ودي أسافر

السلام عليكم ورحمه الله وبركاته

هذا شعر عجبني وحبيت احطه لكم :*




الدرس واضح ما يـبي شـرح درسـا

لايقـول فهمّنـي ولا أقـول بعديـن

ان كان يحمـس للفـراق أي حمسـا

قولولــه أنــي ما ترديـت للحـيــن

صداقتـي ويّـاه ماهيـب عمـسـا

والظـاهـر أنعمـسـت قبل يـوم الأثنيـن

يا راكـب اللـي صمّموهـا فرنسـا

غطّى على الألمان تصميمها الزيـن

ليا قضبت الخـط راحـه و مرسـى

يا جعل يسلم من صنعها ( الستروين )

سوّاقهـا تكفـى عليّـه لا تقـسـى

خذني معك لو كنت رايح على ويـن

ما ذقـت طعـم النـوم و القلـب ما أمـسـى

ياللـه عسـاهـا خـيـر ياللـه آميـن

ودّي أسافـر يمكـن القلـب ينسـى

ذكـرى الخيانـه والجفـا بالمحبيـن

أضرب حدود بقيق وأحدود الأحسـا

وعوّد على الدمـام والله لنـا معيـن

الوقت قاسي .. عين ذا الوقت شـرسـا

لا سلهمت لي شفت مـوت الملاييـن

والليل موحش .. ظلمة الليـل عمسـا

وكتاب حزني مانشئ لـه عناوييـن

والدرس واضح مايبي شـرح درسـا

لا يقول فهمـّـني ولا أقـول بعديـن

اللي يتخلّى عـن صديقـه وينسـى

عساه مـا يهجـع بليـل المسلميـن